قصيدة للأمير محمد السديري بعد خلع الملك سعود

.

السديري قالها بعد خلع الملك سعود وتولي الملك فيصل الحكم وكان على خلاف مع الأثنين وكما قدم في القصيدة النصح لابن اخته الأمير (الملك) فهد بن عبدالعزيز الذي كان طائشاً في شبابه

فات العجاج وقلت بالخير متبــــوع ** واثر العجاجة مقتفيها عجاجه

بالعين شفنا الحيف والعدل مرفوع ** وبدا يغَاب النور عقب انبلاجه

وابعد علينا العدل من حبة الكوع ** وصار الخطر من راكبين الحداجه

وعن الوطا غيث السما صار ممنوع** الله يعجل لمته بانفراجه

قولو لبو فيصل ترى الشر مزروع** ويصعب عليه الى تعظم علاجه

لايترك الدنيا بلا شبوح وطلوع ** نخاف من سيل يزيد ارتهاجه

لازم يحط الحبل مثنى ومربوع ** ويخط درب مايجي به عواجه

والقصر لو انه من الصلب مصنوع** ان عاب ساسه ماتفيدك براجه

والراس مايفزع الى صار مقطوع** وللحي ماقالوا شف الميت ناجه

والبيض مالبسن من الطاس ودروع** والصبح بين ينعرف با نفجاجه

ولاحي إلا يعرف الشبع والجوع ** ونفسه لها في كل الايام حاجه

اشوف ناس زادو الخبث بطبوع** والكل منهم قام يرفع حجاجه

ماجربوا غارات طامع ومطموع** ولا دوجو بالحرب يوم المواجه

في ساعة فيها الصعب يهتدي طوع** ان صار لافواه المدافع لجاجه

كم واحدٍ في ماقف الطيب مشلوع** ينقص مقامه عقب فعل السماجه

كم واحدٍ يصعد للافلاك بطلوع ** بعزم حديد الصلب ذابه وعاجه

لقيت ناس ما لقى لاصلها قوع ** وشفنا الفهد والذيب يتلى نعاجه

عزاه ياقلبٍ معذب وملقوع ** خيل عليه وضيقت به فجاجه

ناس على نوع وقلبي على نوع** وبينى وبين الناس مثل الزراجه

قلبي صعب حرف الوفا فيه مطبوع** لاشك من ربعه يشوف الحراجه

من ما نشوف بناظر العين مفجوع** وللطيب والله فزته وابتهاجه

الأمير محمد بن أحمد السديري

.

شكرااً لكى اختى حنين على الموضوع الجميل .
بأنتظار المزيد

.

يسلمو عالمرور الكريم

» احلى مائة قصيدة فى العصر الحديث
» قصيدة تهييس من محشش ل حبيبته انما ايه جااااااامدة
» واحد مسطول يكنب قصيدة باسماء البنات
» محمد فؤاد اغنية بلدى ..
» أغنية محمد هنيدى الجديده امير البحار.mp3